HStAOrient5a: 14r

Yigirmi beş yaşında idi baʿdehū Ḫadīceʾi tezevvüc etdi. Ve ḫilʿat‑i // risālet ile mebʿūs̱ olduġından qırq yaşında idi // Baʿdehū irǧiʿī ilā rabbik daʿvetine icābetleri // altmış üç yaşında idi. // Allāhu aʿlam Ve ibtidāʾ‑i ʿālemden bu deme gelince beyne l‑ümem vāqiʿ // olan edyān‑i muḫtelife ki ḥaqqa muṭābıq olanı altı ʿaded. // Evvel dīn‑i Ādem ʿaleyhi s‑selām ikinci dīn‑i Nūḥ ʿaleyhi s‑selām // üçünci dīn‑i İbrāhīm ʿaleyhi s‑selām dördünci dīn‑i Mūsā // ʿaleyhi s‑selām beşinci dīn‑i ʿĪsā ʿaleyhi s‑selām altıncı dīn‑i Muḥammed // Muṣṭafā ṣallā llāhu ʿaleyhi ve‑sellem ve Muḥammedden muqaddem gelen sāʾir enbiyā // sābiqan meẕkūr olan edyān‑i ḫamseden ḫāric degüldür. // Ve enbiyāda altı nefer kimesne ulū l‑ʿazmdur: [ḥażret‑i] Ādem ve Nūḥ ve // İbrāhīm ve Mūsā ve ʿĪsā ve Muḥammed ʿaleyhimu ṣ‑ṣalātu ve‑s‑selām. // Baʿżı rivāyetde dörtdür İbrāhīm Mūsā ʿĪsā Muḥammed ʿaleyhimu // ṣ‑ṣalātu ve‑s‑selām. Mürsel dėyü melek nāzil olanlara dėrler // ulu l‑ʿazm vāżıʿ‑i şerīʿat olanlara dėrler Baʿżılar muḥārebe // ile meʾmūr olına dėrler dėdiler. Baʿdehū tecdīd‑i dīn // ve iḥyā-i āyīn‑i Muḥammedī içün her yüzyılda ki bir qarn‑i kāmildür // Ḥaqq subḥānehū ve‑taʿāla şerīʿat ile ʿāmil bir ṣāḥib‑i vücūd // peydā qıldı ve mülūkdan daḫı aña taqviyet ėder bir ʿadl // ü siyāset ve fażl ü diyānet ehli şaḫṣ iqāmet etdi.